షాకింగ్ న్యూస్ : నాలుగేళ్ల చిన్నారి రేప్ - ఆపై కళ్ళు పీకేసి ...

A four years small girl Harrased

11:27 AM ON 26th December, 2016 By Mirchi Vilas

A four years small girl Harrased

మాయమై పోతున్నాడమ్మా మనిషన్న వాడు అంటూ ఓ సినీ కవి ఉత్తినే అనలేదు. పెరిగిపోతున్న దారుణాలు, ఘోరాలను చూస్తుంటే, మానవత్వం ఎప్పుడో పోవడమే కాదు, మానవ మృగాలను వర్ణించడానికి అక్షరాలే కరువయ్యాయని అంటున్నారు. లేకపోతే అభం శుభం తెలీని చిన్నారి పై అత్యాచారామా? అవును, ముద్దులొలికే నాలుగేళ్ల చిన్నారిపై అఘాయిత్యానికి పాల్పడ్డారు! అంతటితో ఆగకుండా.. ఆమె కళ్లు పీకేసి, చేతులు నరికేసి, అవయవాలను ముక్కలుముక్కలు చేశారు. వినడానికే భయంకరంగా వుంది ఈ దారుణ ఘటన. ఝార్ఖండ్ రాష్ట్రంలోని తూర్పు సింగ్ భూమ్ లో జరిగిన ఈ ఘోరం ఆలస్యంగా వెలుగులోకి వచ్చింది. వివరాల్లోకి వెళ్తే,...

డిసెంబరు 15 నుంచి ఆ బాలిక ఆచూకీ గల్లంతవగా, డిసెంబరు 22న ఛిద్రమైపోయిన స్థితిలో ఉన్న పాప మృతదేహాన్ని పోలీసులు గుర్తించారు. అవయవాల అక్రమ రవాణా ముఠా ఈ ఘోరానికి పాల్పడి ఉండొచ్చని పోలీసులు భావిస్తున్నారు. బాలిక శరీరంలో అవయవాలు ఏవైనా మాయమయ్యాయో లేదో తెలుసుకునేందుకు పోస్ట్ మార్టం నివేదిక కోసం వేచి చూస్తున్నారు. బాలిక కళ్లను బహుశా కుక్కలు కూడా పీకి ఉండొచ్చని వారు అభిప్రాయపడుతున్నారు. అదే సమయంలో.. బాలిక కుటుంబానికి దగ్గరి సంబంధం ఉన్న వ్యక్తులు కూడా ఈ దారుణానికి పాల్పడి ఉండొచ్చని అనుమానిస్తున్నారు. ఎందుకంటే.. బయటివారైతే పాప మృతదేహాన్ని అలా ఊరిబయట పడేయరని వారు వివరిస్తున్నారు. అయితే, గ్రామస్థుల్లో కొందరు.

ఒక వ్యక్తి ఆరునెలలుగా సమీపంలోని కొండ ప్రాంతంలో క్షుద్రపూజలు చేస్తున్నాడని.. ఇది అతడి పనే అయి ఉండొచ్చని అనుమానం వ్యక్తం చేస్తున్నారు. మరికొందరేమో.. గ్రామంలో ఇద్దరు యువకులు మోటార్ సైకిల్ పై తిరగడం చూశామని, వారే ఆ పాపకు మత్తుమందిచ్చి ఏటో తీసుకెళ్లి ఈ అఘాయిత్యానికి పాల్పడి ఉండొచ్చని అనుమానిస్తున్నారు. పాప తల్లిదండ్రులు మాత్రం ఎవరిపైనా అనుమానాలు వ్యక్తం చేయట్లేదు. నిజానికి పాప కనిపించకుండా పోగానే వారు పోలీసులను ఆశ్రయించగా.. కేసు నమోదు చేయడానికి వారు నిరాకరించినట్టు సమాచారం. నాలుగు రోజులైనా కనిపించకపోవడంతోనే వారు కేసు నమోదు చేసినట్టు తెలుస్తోంది.

ఇక ఈ ఘోరంపై ఢిల్లీ మహిళా కమిషన్ చైర్ పర్సన్ తీవ్ర దిగ్ర్భాంతి వ్యక్తం చేస్తూ, మానవత్వం మరణించింది. ఝార్ఖండ్ లో నాలుగేళ్ల పాపను దారుణంగా రేప్ చేసి, కళ్లు పీకేసి, చేతులు నరికేసి, పొట్టను చీల్చి చంపేశారు. నమ్మలేకపోతున్నా అని ట్వీట్ చేశారు. ఈ ఘోరానికి పాల్పడినవారెవరైనాగానీ.. వారికి మరణ శిక్ష విధించాలన్నారు.

ఇది కూడా చూడండి : హాట్ హాట్ గా ‘శ్రీవల్లి’ టీజర్ ...

ఇది కూడా చూడండి : నిశ్చితార్ధం డేట్ ఫిక్స్ ...

ఇది కూడా చూడండి : మరో సంచలనం ... భక్తిరసంలో నాగ్

English summary

A small four years girl got sexually harassed in Jarkhand. They removed baby eyes and cut the two hands into pieces.